فول بالخلطة - أفضل طريقة لعمل الفول بالخلطة
الفول هو أحد الأكلات الشعبية المصرية والتي لا يستغني عنها لا غني ولا فقير وقد أبدع الشعب المصري في طريقة عمل الفول
لعمل الفول بطريقة شهية وتفتح النفس علينا أن نحضر الآتي فول - فلفل أسود - ملح - شطة حمراء - كمون - بهارات أخرى ( على حسب الطلب ) - فلفل أخضر بلدي ( في ناس بتقول عليه شطة طماطم - ثوم - خل - ليمون - بصل . طريقة عمل الفول رائعة جدا
هنقشر حوالي فصين أو تلاتة ثوم على حسب كمية الفول ثم نضعهم في الهون ونضع عليهم ملح وشطة وفلفل أسود وكمون ونقطع الفلفل الأخضر ونحطهم في الهون مع الثوم وندقهم مع بعض لحد ما يتهرسوا خالص ، نقطع ربع اونص بصلة أو بصلة كاملة برضه على حسب كمية الفول ونحطها في طبق مع بعض وبعدين نقطع الطماطم ونحطها في نفس الطبق مع البصل ونرش عليهم حبة فلفل أسود ونحط معاهم حبة خل ونعصر عليهم نص ليمونة ،
بعدين نحط طاسة عالنار ونحط فيها حبة زيت معقولين عشان ميكونش كتير في الفول ونحط فيهم الثومة اللي هرسناها مع البهارات وعلى نار هادية نقلب فيهم لحد لونهم ما يبقى دهبي أو يتغير شوية وبعدين نحط الطماطم وتقعدوا تقلبوا فيها شوية لحد الطماطم والبصل ما يتسبكوا وتبقى تمام وتشمي ريحتها المميزة هاتي الفول وحطيه في الطاسة وخليه يتقلب مع الخلطة كويس أوي ودوقيه لو محتاج ملح أو حاجة عشان تكملي عليه ، هاتي بقى نص الليمونة اللي فاضل واعصريه فوقيهم ولو نقطتين خل كدة يبقى زي الفل وممكن تهرسوه وهو عالنار وتطلعوه وهو سخن وتقدموه للأكل وممكن تزيدوا شوية طحينة صغيرين بعد ما نحطه في الطبق
وووووووبالهنا والشفا
ليست هناك تعليقات:
إرسال تعليق