فراخ فرن بطعم وريحه الفحم

المقادير
2 فرخه وسط ممكن اقل علي حسب العيله
التتبيله
بصلتين وسط
10 فصوص ثوم
1 قرن شطه خضراء حاره
2 فلفل اخضر
كوب زبادي
2طماطم وسط
بهارات ملح و فلفل وكاري وبهرات مشكله وكمون
3ملاعق خل او ممكن بدلها 3 ليمون
الخطوات نغسل الفراخ كويس اوي ونسلخ جلدها وده طبعا حسب الرغبه
نقطع الفرخه 6قطع ونشرحها كويس بالسكينه عشان التتبيله تدخل جواها
نفرم المكونات اللي فاتت في الخلاط وبعدين نتبل الفراخ فيها ليله كامله بتبقي احلي 

نفرش في الصينيه طبقه بصل طرنشات ونرش عليها ذرة ملح وفلفل اسود

بعدين نرص طرنشات بطاطس وعليها برضه رشة ملح وفلفل
بعدين نرص الفراخ 

بعدين ضيفت ملعقتين زيت و2كوب ماء صغير ونغطيها بورق فويل وعلي الفرن علطول لحد لما تغلي شويه وبعدين نهدي النار علي 170 لمده ساعه وربع وبعدين نكشفها ونعلي النار عشان تشرب ميتها وتتحمر وممكن نشغل الشوايه لحد ما تتحمر وبعدين نسخن فخمايه اوي ونحطها في ورقة فويل زي الطبق ونضيف نقطتتين زيت ولما تدخن نغطي الفراخ بالفويل تاني عشان تاخد ريحة الفحم 

وبالهناوووووووووووووووووووالشفا